-
कालोपाटी सम्बाददाता
काठमाडौँ । नेपाल लोकतान्त्रिक वैदेशिक रोजगार व्यवसायी सङ्घको अध्यक्षमा दीपक थापा निर्वाचित भएका छन् । संघको आइतबार बिहान सम्पन्न भएको निर्वाचनमा दुई प्रतिस्पर्धीलाई पराजित गर्दै थापा अध्यक्षमा निर्वाचित भएका हुन् ।
सङ्घको प्रथम उपाध्यक्षमा विनोदजङ्ग केसी, द्वितीय उपाध्यक्षमा हर्कबहादुर लिम्बू, तृतीय उपाध्यक्षमा सेमन्त राज न्यौपाने र महासचिवमा महेशकुमार बस्नेत, सचिवद्वयमा तुलसीराम पुरी र राज लामा, कोषाध्यक्षमा हिमा गुरुङ र सहकोषाध्यक्षमा लिलबहादुर तामाङ निर्वाचित भएका छन् ।
त्यसैगरी सदस्यमा देवीप्रसाद गिरी, शालिकराम अधिकारी, दीपककुमार राय, सौरभ आचार्य, विद्यालक्ष्मी बज्राचार्य, अभिनभमान सिंह बस्नेत, राजेश्वर यादव, सविता कुमारी सिंह, रोशन निरौला र महेशकुमार श्रेष्ठ निर्वाचित भएका छन् ।
नेपाल लोकतान्त्रिक वैदेशिक रोजगार व्यवसायी सङ्घमा देशभरका चार सयभन्दा बढी व्यवसायी आबद्ध छन् ।
