-
कालोपाटी सम्बाददाता
काठमाडौँ । राष्ट्रिय स्वतन्त्र पार्टी(रास्वपा) का सभापति रवि लामिछाने थप चार दिन हिरासतमा रहने भएका छन् । जिल्ला अदालत कास्कीले लामिछानेलाई थप चार दिन हिरासतमा राख्न अनुमति दिएको हो ।
सूर्यदर्शन सहकारी ठगीमा अनुसन्धानका लागि जिल्ला प्रहरी कार्यालय कास्कीले उनलाई आइतबार अदालतमा उपस्थित गराएको थियो। कात्तिक २ गतेदेखि लामिछाने हिरासतमा छन्।
यसबिचमा उनीसँग सूर्यदर्शन सहकारी ठगीसँगै बुटवलको सुप्रिम सहकारी, काठमाडौँको स्वर्णलक्ष्मी सहकारी र चितवनको सहारा चितवन सहकारीमा पनि बयान लिइएको छ।
