-
कालोपाटी सम्बाददाता
काठमाडौँ । सप्तरीको बोदेबरसाइन–सुभनपट्टी खण्डअन्तर्गत बोदेबरसाइन नगरपालिका–१०, खडकपुरमा स्कारपिओले मोटरसाइकललाई ठक्कर दिँदा एकजनाको मृत्यु भएको छ । मोटरसाइकलको पछाडि सवार खडक नगरपालिका–७, कल्याणपुर बस्ने अन्दाजी ३२ वर्षीय मोहम्मद कोराइस अलिको अस्पताल लैजाने क्रममा मृत्यु भएको प्रहरीले जनाएको छ ।
सुभनपट्टीबाट बोदेबरसाइनतर्फ आउँदै गरेको बीआर ०७ बीएबी ८१७२ नम्बरको भारतीय स्कारपिओले विपरीत दिशाबाट आएका मोटरसाइकललाई ठक्कर दिएको थियो ।
दुर्घटनामा मोटरसाइकल चालक खडक नगरपालिका–११ का अन्दाजी वर्ष २४ का मो। सदाम गम्भीर घाइते छन् । उनको स्थानीय जीवनज्वति अस्पताल बोदेबसाइनमा उपचार भइरहेको तथा ठक्कर दिने स्कारपिओ इलाका प्रहरी कार्यालय बोदेबसाइनको नियन्त्रणमा रहेको प्रहरीले जनाएको छ । स्कारपिओका चालक फरार छन् । रासस
