-
कालोपाटी सम्बाददाता
काठमाडौँ । भक्तपुरमा मोटरसाइकलको ठक्करबाट एक जना पैदलयात्रीको मृत्यु भएको छ । रामेछापको दोरम्बा गाउँपालिका ४ घर भई सूर्यविनायक नगरपालिका १० नलिन्चोक बस्ने ७० वर्षीय निमबहादुर मगरको मृत्यु भएको प्रहरी परिसर भक्तपुरले जनाएको छ ।
जगातीबाट साँगातर्फ जाँदै गरेको बा४६प ११२७ नम्बरको मोटरसाइकलले नलिन्चोक जोरपाटीमा निमबहादुरलाई ठक्कर दिएको थियो । गम्भीर घाइते भएका उनलाई मध्यपुर अस्पताल पुर्याइएकोमा उपचारकै क्रममा मृत्यु भएको हो ।
मोटरसाइकल चालक काभ्रेको बनेपा ६ का ४४ वर्षीय जितेन्द्र श्रेष्ठलाई प्रहरीले नियन्त्रणमा लिएको छ ।
