-
कालोपाटी सम्बाददाता
काठमाडौँ । सिन्धु विकास बैंकको सीईओमा गणेश कुमार केसी नियुक्त भएका छन् । बैंकको संचालक समितिको बैठकले पौष १ गतेदेखि लागु हुने गरी गणेश कुमार केसीलाई नियुक्त गरेको हो ।
उनीसँग विभिन्न बैंक तथा वित्तीय संस्थामा करिब २० वर्षभन्दा बढीको कार्यअनुभब रहेको छ । साथै, उनले यसअघि मालिका विकास बैंकको प्रमुख कार्यकारी अधिकृत तथा कुमारी बैंकको आन्तरिक लेखा परिक्षण विभागमा विभागीय प्रमुख भएर काम गरिसकेका छन् ।
कम्पनीले आगामी दिनमा योग्यता तथा कार्य अनुभवले संस्थालाई अझ प्रगति तथा उच्च स्थानमा पुर्याउन सक्ने अपेक्षा लिएको जनाएको छ ।
