कैलालीमा नगद र गरगहना सहित तिन पुरुष पक्राउ

कैलाली । कैलालीमा  नगद र गरगहनासहित तिन पुरुषलाई प्रहरीले पक्राउ गरेको छ ।
जिल्ला प्रहरी कार्यालयका प्रवक्ता एवं प्रहरी नायब उपरीक्षक डीएसपी प्रतीक विष्टको जानकारी अनुसार धनगढी बसपार्कमा रहेको होटल अमन प्लाजाबाट ८ लाख ६९ हजार रुपैयाँसहित तीन जनालाई पक्राउ गरेको हो ।

उनीहरुलाई विशेष सूचनाका आधारमा सुदूरपश्चिम प्रदेश अनुसन्धान समूह आरआईटी र जिल्ला प्रहरी कार्यालयबाट खटिएको टोलीले शुक्रबार पक्राउ गरेको हो । उनका अनुसार पक्राउ पर्नेमा बझाङको मष्टा गाउँपालिका १ कोटदेबलका १८ वर्षीय किरण खड्का २२ वर्षीय मुकेश खड्का र २४ वर्षीय नारायण खड्का रहेका छन् ।

उनीहरूको साथबाट तीन हजार दुई सय भारतीय रूपैयाँ, ३४ ग्राम ३६० मिलिग्राम सुनका गरगहना र ७३७ ग्राम ७८० मिलिग्राम बराबरका चाँदीका विभिन्न गरगहन पनि बरामद गरिएको डीएसपी विष्टले बताए ।