आयोगले खटायो टोली एमसीसीविरुद्धको प्रदर्शन अनुगमन गर्न

काठमाडौं । राष्ट्रिय मानव अधिकार आयोगले एमसीसीविरुद्ध भइरहेको प्रदर्शन अनुगमन गर्नको लागि टोली खटाएको छ । मानव अधिकार आयोग अन्तर्राष्ट्रिय सन्धि महाशाखाका सदस्यहरु नयाँबानेश्वर क्षेत्रमा अनुगमनमा खटिएका हुन् ।

संसद बैठकमा एमसीसी पेश भएको दिन फागुन ५ गते नयाँबानेश्वर क्षेत्रमा प्रहरी र प्रदर्शनकारीबीच झडप भएर स्थिति तनावग्रस्त भएको थियो । आज संसद बैठकमा एमसीसीबारे छलफल गर्ने तयारी छ । आज पनि नयाँबानेश्वरस्थित संसद भवन अगाडिको सडकमा एमसीसीविरुद्ध आन्दोलन गर्दै आएकाहरु भेला भएर प्रदर्शन गरिरहेका छन् । सो क्षेत्रमा सुरक्षा सतर्कता बढाइएको छ । सडक खालि गराएर प्रहरीले ब्यारिकेड राखेको छ ।