तनहुँको भानु नगरपालिकामा माछा मार्ने क्रममा दुई जनाको मृत्यु

तनहुँ । माछा मार्ने क्रममा दुईजनाको मृत्यु भएको छ । आइतबार साँझ तनहुँमा एकै गाउँका ३५ वर्षीय धनबहादुर गुरुङ र सोही वडा निवासी २२ वर्षीय सागर गुरुङको मृत्यु भएको हो । मामा र फुपूको छोरा मिलेर माछा मार्ने क्रममा पौडी खेल्दा डुबेर मृत्यु भएपछि यति बेला तनहुँको भानु नगरपालिका–२ मोहरिया गाउँ नै शोकमग्न बनेको स्थानीयवासी राजेश कार्कीले जानकारी बताए ।

भानु नगरपालिका–२ र ५ को सिमानामा पर्ने चुदीखोलामा पौडी खेल्ने क्रममा उनीहरुको डुबेर मृत्यु भएको भानु इलाका प्रहरी कार्यालयका प्रहरी निरीक्षक प्रकाश भुसालले जानकारी दिए ।