-
कालोपाटी सम्बाददाता
काठमाडौं । एसीसी महिला टी २० च्याम्पियनसिपका लागि महिला टिम घोषणा भएको छ । नेपाल क्रिकेट संघ क्यानले कप्तान रुविना क्षेत्री कप्तानीमा १५ सदस्यीय टोली घोषणा गरेको छ । असार ३ देखि ११ सम्म मलेसियामा एसीसी महिला टी २० च्याम्पियनसिप प्रतियोगिता हुनेभएको छ । यू १९ महिला टिमबाट बायाँ हाते मिडियम पेस बलर मनिषा उपाध्याय पहिलो पटक सिनियर टिममा परेकी छिन् ।
सिनियर टिमबाट राम्रो खेलिरहेकी हिरन्मई टिममा नपर्दा उनले पहिलो पटक टिममा मौका पाएकी हुन् । नेपाली महिला क्रिकेटमा उदयीमान लेगस्पिनर हिरन्मई आवश्यक कागजातको अभावमा जान नपाउने भएपछि उनको प्रतिस्थापनको लागि मनिषालाई टिममा राखिएको हो ।
