-
कालोपाटी सम्बाददाता
काठमाडौं । नेपाली कांग्रेसले आगामी संघीय तथा प्रदेश सभा सदस्य निर्वाचनमा पनि गठबन्धन गर्ने निर्णय गरेको छ । सोमबार बसेको केन्द्रीय समिति बैठकले अहिलेको सत्ता गठबन्धनलाई नै चुनावसम्म निरन्तरता लिएर जानुपर्ने निर्णय गरेको हो ।
कांग्रेसलाई आसन्न प्रतिनिधि सभा र प्रदेश सभा निर्वाचनमा स्पष्ट बहुमततर्फ लक्षित गराउँदै केन्द्रीय कार्यसमितिको यो बैठक सत्ता गठबन्धनमा रहेका दलहरूसँग आपसी संवाद गरी चुनावी तालमेल गरी अघि बढ्ने निर्णयमा भनिएको छ ।
कांग्रेसले चुनावपछि पाँच वर्ष चल्ने स्थिर सरकार बनाउने पनि बताएको छ ।
