-
कालोपाटी सम्बाददाता
दाङ । दाङमा तीन वर्षीया बालिकालाई बलात्कार गरी हत्या प्रयास भएको छ । बबई गाउँपालिका ५ की ३ वर्षीया बालिकालाई सोहि ठाउँका १४ वर्षीय किशोरले बलात्कारपश्चात भीरबाट खसालेर हत्याको प्रयास गरेका हुन् । इलाका प्रहरी कार्यालय तुलसीपुरका प्रमुख डीएसपी श्यामु अर्यालका अनुसार बालिकाको सुनको मुन्द्रा लुटेर भीरबाट करिब ५० मिटर तल खसालिएको थियो ।
उनका अनुसार बालिकाका परिवारले साँझ ७ बजे प्रहरीलाई खबर गरेका थिए । दिउँसो २ बजेदेखि नै ती बालिका किशोरको साथमा थिइन् । प्रहरी घटनास्थल पुग्दा बालिका पानी प्यासले रोइरहेको अवस्थामा भेटेको अर्यालले बताए ।
बालिकालाई थप उपचारका लागि नेपालगञ्ज पठाइएको छ । बलात्कारमा संलग्न किशोरलाई प्रहरीले हिरासतमा लिएको छ ।
