बञ्चरेडाँडामा काठमाडौंको फोहोर बोकेका १५ टिप्पर सहित १८ वटा सवारी साधन अज्ञात समूहद्वारा तोडफोड

काठमाडौं । बञ्चरेडाँडा ल्याण्डफिल साइटमा फोहोर बोकेर गएका काठमाडौं महानगरपालिकाका सवारी साधन तोडफोड भएको छ । सिस्डोल बञ्चरेडाँडा सडकखण्डको आलेटार भन्ने ठाउँमा रोकेर राखिएका १५ टिप्पर, २ वटा लोडर र एउटा स्काभेटर तोडफोड भएको हो ।

तोडफोड गर्नेहरुको पहिचान भने भएको छैन् । काठमाडौं महानगरपालिकाले घटनाबारे अनुसन्धान गरिदिन प्रहरीलाई अनुरोध गरेको छ । फोहोर बोकेका गाडी तोडफोड भएपछि काठमाडौंको फोहोर व्यवस्थापनमा पुन:  समस्या देखिएको छ ।

स्थानीयका माग सम्बोधन गर्ने सहमतिसहित पछिल्लो समय काठमाडौंको  फोहोरलाई बञ्चरेडाँडा लिएर व्यवस्थापन गर्ने थालिएको थियो । तर, पछिल्लो समय पुन:  स्थानीयवासीले आफ्ना मागबारे बेवास्था गरेको भन्दै आपत्ति जनाउँदै आएका छन् ।