उपाध्यक्ष उर्मिला अर्यालले दिइन पदबाट राजीनामा

काठमाडौँ । राष्ट्रियसभाका उपाध्यक्ष उर्मिला अर्यालले पदबाट राजीनामा दिएकी छिन् । उपाध्यक्ष अर्यालले राष्ट्रियसभाका अध्यक्ष नारायण दाहालसमक्ष बिहीबार राजीनामापत्र बुझाएकी हुन् ।

अर्याल २०७९ माघ २३ गते राष्ट्रियसभाको उपाध्यक्षमा निर्वाचित भएकी थिइन् । उनले राजीनामा पत्रमा आफूले पदमा रहँदा इमान्दार भएर कर्तव्य निर्वाह गरेको उल्लेख गर्दै आफूलाई सहयोग गर्ने सबैलाई आभार समेत व्यक्त गरेकी छिन् ।

नेपाल कम्युनिष्ट पार्टी (माओवादी केन्द्र)का तर्फबाट अर्याल राष्ट्रियसभा सदस्यमा निर्वाचित भएकी हुन् ।