बलात्कार आरोपमा हिरासतमा रहेका प्रहरी जवान मृत फेला

काठमाडौँ । बालिका बलात्कार आरोपमा पक्राउ परेका सशस्त्र प्रहरीका जवान हिरासतमा मृत फेला परेका छन् । जिल्ला प्रहरी कार्यालय दाङको हिरासतको शौचालयमा जवान रेवन पचभैया मगर मृत भेटिएको दाङका एसपी रामबहादुर केसीले जानकारी दिए ।

केसीका अनुसार कपडाको पासो लगाएर भेन्टिलेसनमा झुण्डिएको अवस्थामा उनी मृत भेटिएका हुन् । गत असोज २४ गते ८ वर्षीया बालिकामाथि बलात्कार गरेको आरोपमा उनी पक्राउ परेका थिए । जवान पचभैया दाङको २९ नं. ज्वालामाई गणमा कार्यरत थिए ।