अस्ट्रेलियामा बालबालिकाका लागि प्रतिबन्ध, मेटाले गर्यो एकैदिन ५ लाखभन्दा बढी खाता बन्द

काठमाडौं । अस्ट्रेलियामा बालबालिकालाई सामाजिक सञ्जाल प्रयोगमा रोक लगाउने नयाँ कानून लागू भएको पहिलो दिनमा फेसबुकको मातृ कम्पनी मेटाले करिब ५ लाख ५० हजार खाता बन्द गरेको छ।

कम्पनीले डिसेम्बर १० मा इन्स्टाग्राममा ३,३०,६३९, फेसबुकमा १,७३,४९७ र थ्रेड्समा ३९,९१६ खाता बन्द गरेको जानकारी दिएको छ।

अस्ट्रेलियाले १६ वर्षमुनिका बालबालिकालाई फेसबुक, इन्स्टाग्राम र अन्य सामाजिक सञ्जालमा पहुँच नपाइने गरी नियम बनाएको हो। यस नीति अन्तर्राष्ट्रिय स्तरमा पनि धेरैले स्वागत गरेका छन् र यसलाई हानिकारक सामग्री तथा एल्गोरिदमबाट बालबालिकालाई जोगाउन आवश्यक भएको ठहर गरिएको छ।

मेटा लगायतका कम्पनीहरूले यस कानूनी व्यवस्थापनसँगै युवाहरूलाई अनलाइन सुरक्षित राख्न थप कदम चाल्न सहमति जनाएका छन्। साथै, कम्पनीहरूले उमेर प्रमाणीकरण एप स्टोर स्तरमै हुनुपर्ने सुझाव समेत दिएका छन्।

अस्ट्रेलियाले १६ वर्षको उमेर सीमा राखेर अभिभावकको स्वीकृति बिना सामाजिक सञ्जालमा पहुँच नदिने पहिलो देश बनेको छ। यसअघि अमेरिकी राज्य फ्लोरिडादेखि युरोपेली संघसम्मका देशहरूले पनि बालबालिकाको सामाजिक सञ्जाल प्रयोग सीमित गर्ने प्रयास गरिरहेका छन्।