‘एमाले देश बनाउने शक्ति हो’ : ईश्वर पोखरेल

काठमाडौं । काठमाडौं-५ का उम्मेदवार तथा नेपाल कम्युनिष्ट पार्टी (एमाले) का नेता ईश्वर पोखरेलले चुनावी घरदैलो तथा मतदाता भेटघाटलाई तीव्र पारेका छन्।

टोखामा आयोजित कार्यक्रममा सम्बोधन गर्दै उनले एमाले देश बनाउने शक्ति भएको बताएका छन्। ‘एमालेले देश बनाउने काम गर्छ, देश बिगार्ने काम गर्दैन,’ उनले भने।

पोखरेलले एमालेलाई विजयी गराउन सबै कार्यकर्ता तथा समर्थकलाई जनतामाझ पुगेर पार्टीका एजेन्डा राख्न अनुरोध गरेका छन्। साथै जनताका गुनासा, आलोचना र समस्याहरू सुनेर समाधानतर्फ अग्रसर हुने प्रतिबद्धता व्यक्त गरेका छन्।

फरक परिस्थितिमा हुन लागेको यस निर्वाचनमा देशलाई सही ट्र्याकमा ल्याउन देशभर एमालेको जित आवश्यक रहेको उनको भनाइ छ। काठमाडौं–५ लाई नमूना निर्वाचन क्षेत्र बनाउने प्रतिबद्धतासहित पोखरेल मत मागिरहेका छन्।