पोखराले ‘सिटी साइटसिन’ बस सञ्चालनमा

पोखरा । पोखराले ‘सिटी साइटसिन’ बस सञ्चालनमा ल्याएको छ । कोरोनाको प्रभाव कम हुँद गर्दा पोखरामा आन्तरिक पर्यटकको चहलपहल पनि बढ्दै गएको छ ।

पर्यटकीय नगरी पोखरा आन्तरिक तथा बाह्य पर्यटकको प्रमुख रोजाइ भएकाले छोटो बसाइमा सहजरुपमा पोखरा घुम्न चाहनेलाई लक्षित गरी पहिलोपल्ट स्विफ्ट होलिडे पोखराले ‘सिटी साइटसिन’ बस सञ्चालनमा ल्याएको हो ।असोज १ देखि यो सेवा सुरु भएको हो ।

पोखराका प्रमुख आकर्षक पर्यटकीय गन्तव्यहरु घुम्न चाहने पर्यटकलाई लक्षित गरी सिटी साइटसिन र हिल हाइकिङका रुट १ र २ गरेर दुईवटा बस सञ्चालनमा ल्याएको कम्पनिका बजार व्यवस्थापक प्रदीप भट्टले जानकारी दिए ।