सोलुखुम्बुमा माओवादी कांग्रेसका कार्यकर्ताहरुबीच झडप

सोलुखुम्बु । सोलुखुम्बुको नेलेमा नेकपा माओवादी केन्द्र र नेपाली कांग्रेसका कार्यकर्ताहरुबीच झडप भएको छ । सोमबार राति चुनावी प्रचारप्रसारको क्रममा दुई पक्षबीच झडप भएको हो । झडपमा कांग्रेस वडा सभापति चुडाबहादुर बस्नेत, सचिव मिलन खत्री र दीपक सुनुवार घाइते भएको जिल्ला प्रहरी कार्यालय सोलुखुम्बुले जनाएको छ ।

नेले क्षेत्रमा घरदैलो कार्यक्रम गरेर फर्किएका कांग्रेस र माओवादी केन्द्रका एकएक जना कार्यकर्ताबीचबाट सुरु भएको झगडा सामूहिक झडपमा परिणत भएको प्रहरीले जनाएको छ ।