एकीकृत समाजवादीको केन्द्रीय परिषद् बैठक बस्दै, चुनाव लक्षित एजेन्डामाथि छलफल गरिने

काठमाडौं । नेकपा एकीकृत समाजवादीको प्रथम केन्द्रीय परिषद् बैठक बस्दैछ । काठमाडौंको प्रज्ञा भवन कमलादीमा सोमबार बस्ने बैठकमा देशभरबाट करिब १५ सय जना सहभागी हुने भएका छन् । बैठकको शुभारम्भमा अध्यक्ष माधव कुमार नेपालले सम्बोधन गर्ने भएका छन् ।

बैठकमा पार्टीको देशभर भएका साङ्गठानिक गतिविधि, स्थानीय तहको चुनावको समीक्षा, आगामी प्रतिनिधिसभा र प्रदेशसभा निर्वाचनका लागि चुनाव लक्षित एजेन्डामाथि छलफल हुने छ । महासचिव डा बेदुराम भुसालका अनुसार हालै सम्पन्न केन्द्रीय कमिटीको बैठकमा प्रस्तुत भएका केही प्रतिवेदनमाथि पनि छलफल गरिनेछ ।