अभियानका रूपमा मनाउँदै नेपाली टोपी दिवस

काठमाडौँ । नेपाली टोपी दिवस अभियानका रूपमा मनाएका छन् । जागरूक युवा अभियान नेपालले (आज) सोमबार ‘नेपाली टोपी:नेपाली पहिचान’ को नारासहित अभियानका रूपमा ११औँ नेपाली टोपी दिवस मनाएका हुन् ।

वसन्तपुरमा भेला भएका अभियानकर्मी घनश्याम श्रेष्ठ, रामजी बलामी, जनार्जन पौडेल, शिव धिताल, अज्मत अलि, ज्ञानमणि नेपाल कालोटोपी, जनक कार्की, लक्ष्मण लम्साल, वसन्त हुमागाईं र राजेश खत्रीले विज्ञप्ति जारी गर्दै टोपीलाई राष्ट्रिय पहिचानका रूपमा घोषणा गर्न माग गरेका हुन् । सदियौँदेखि नेपाली पहिचानका रूपमा रहेको दौरा सुरुवाल, टोपी र गुन्युचोलीलाई तत्कालीन सरकारले राष्ट्रिय पोशाकको सूचीबाट हटाएको हो ।

नेपाली ढाका र भादगाउँले टोपीलाई राष्ट्रिय पहिचानका रूपमा मान्यता दिन मागसहित अभियानका रूपमा यो दिवस मनाउन थालिएको हो ।