लगातार घट्दैछ सुनको मुल्य, कतिमा हुँदैछ कारोबार ?

काठमाडौँ । बुधबार सुनको मूल्य घटेको छ । साताको कारोबारको अघिल्लो दिनको तुलनामा बुधबार सुनको मूल्य प्रतितोला १ सय रुपैयाँले घटेको हो ।

मंगलबार प्रतितोला १ लाख १८ हजार ६ सय रुपैयाँमा कारोबार भईरहेको छापावाला सुन, आज १ सय रुपैयाँले घटेर १ लाख १८ हजार ५ सय रुपैयाँमा कारोबार भईरहेको छ । तेजावी सुन पनि १ सय रुपैयाँले घटेर प्रतितोला १ लाख १७ हजार ९ सय ५० रुपैयाँमा कारोबार भईरहेको छ ।

यस्तै, चाँदीको मूल्य ५ रुपैयाँले घटेर प्रतितोला १४ सय १० रुपैयाँमा कारोबार भईरहेको भईरहेको छ । नेपाल सुनचाँदी व्यवसायी महासंघका अनुसार प्रति १० ग्राम छापावाला सुनको मूल्य १ लाख १ हजार ५ सय ९५ रुपैयाँ, प्रति १० ग्राम तेजाबी सुनको मूल्य १ लाख ११ हजार २५ रुपैयाँ र प्रति १० ग्राम चाँदीको मूल्य १२ सय ९ रुपैयाँ रहेको छ ।