रूस-युक्रेन युद्धमा मारिएका नेपालीको अवस्थाबारे जानकारी गराउन माग

काठमाडौँ । रूस-युक्रेन युद्धमा मारिएका नेपालीको अवस्थाबारे सदनमा जानकारी गराउन माग गरिएको छ । प्रतिनिधिसभाको बिहीबारको बैठकमा रूस-युक्रेन युद्धमा मारिएका नेपालीको अवस्थाबारे जानारी गराउन माग गरिएको हो ।

सभाको विशेष समयमा नेकपा (एमाले)का सांसद सूर्यबहादुर थापाले परिवारका सदस्यहरु न श्वास, न आशको अवस्थामा रहेकाले ती नेपालीहरुको अवस्था खोजी गरी नेपाल फिर्ता गर्न सरकारसँग माग गरेका हुन् ।

सांसद थापाले भने, ‘नेपालीहरु रुस र युक्रेनका सेनामा भर्ना भएर आपससमा लडिरहेका छन् । यतिका समय बितिसक्दा पनि किन परराष्ट्र मन्त्रालय बोल्दैन ? औपचारिक रुपमा केही जानकारी पाउन सकेको छैन ।’