यू–१९ महिला टोलीका खेलाडीलाई सम्मानस्वरुप जनही साढे २ लाख नगद

काठमाडौँँ । नेपाल क्रिकेट संघ (क्यान)ले विश्वकपमा छनोट भएको यू–१९ महिला टोलीका सदस्यहरुलाई २ लाख ५० हजार नगदसहित सम्मान गर्ने भएको छ ।

क्यानका अनुसार टोलीका प्रत्येक खेलाडीलाई जनही २ लाख ५० हजार दिइनेछ ।

टिम अफिसियलहरुलाई भने १ लाख ५० हजार दिइने संघका प्रवक्ता छुम्बी लामाले जानकारी दिए ।

बुधबार यूएईलाई हराउँदे नेपाल आगामी जनवरीमा मलेसियामा हुने यु-१९ महिला विश्वकपमा छनोट भएको थियो ।