१६ वर्षीया किशोरीको बलात्कार आरोपमा २२ वर्षीय युवक पक्राउ

काठमाडौँ । तनहुँमा १६ वर्षीया किशोरीको बलात्कार आरोपमा एक युवक पक्राउ परेका छन् । पक्राउ पर्नेमा बन्दीपुर गाउँपालिका–१, डुम्रेमा बस्दै आएका भारतको मोतिहारीका २२ वर्षीय श्रवण कुमार छन् । १६ वर्षीया एक किशोरीको बलात्कार गरेको उनीमाथि आरोप छ ।

शुक्रबार बिहान उनलाई पक्राउ गरिएको प्रहरी प्रधान कार्यालयले जानकारी गराएको छ । उक्त उजुरीका आधारमा श्रवणलाई पक्राउ र आवश्यक अनुसन्धान गरिरहेको प्रहरीले जनाएको छ ।