रेशम चौधरीको उम्मेदवारी खारेजविरुद्धको रिट न्यायाधीश ढकालको इजलासमा सुनुवाइ हुँदै

काठमाडौं । नागरिक उन्मुक्ति पार्टी नेपालका संरक्षक रेशमलाल चौधरीको उम्मेदवारी खारेजविरुद्ध दायर रिटमा सुनुवाइ हुने भएको छ । चौधरीले दायर गरेको रिट न्यायाधीश बालकृष्ण ढकालको एकल इजलासमा पेसी तोकिएको छ ।

कैलाली निर्वाचन क्षेत्र नम्बर–१ बाट प्रतिनिधिसभा सदस्यका लागि चौधरीले दर्ता गरेको उम्मेदवारी निर्वाचन आयोगले खारेज गरेपछि उनी सर्वोच्च अदालत पुगेका हुन् । निर्वाचन आयोगले बिहीबार चौधरीको उम्मेदवारी खारेज गरेको थियो ।

आगामी फागुन २१ गते हुने प्रतिनिधिसभा सदस्य निर्वाचनको सन्दर्भमा चौधरीको उम्मेदवारी वैध हुने वा नहुने विषयमा अब सर्वोच्च अदालतबाट निर्णय हुने छ ।