रामकुमारी झांक्री लुम्बिनीबाट राष्ट्रिय सभा सदस्य निर्वाचित

काठमाडौँ । लुम्बिनी प्रदेशबाट राष्ट्रिय सभा सदस्यमा गुल्मीकी रामकुमारी झांक्री निर्वाचित भएकी छन्। उनले ६ हजार ३०३ मत प्राप्त गरी विजयी भएकी हुन्।

नेकपा एमालेबाट महिला समूहतर्फ उम्मेदवार बनेकी झांक्रीको प्रमुख प्रतिद्वन्द्वी नेपाली कम्युनिष्ट पार्टीकी दुर्गा कुमारी भण्डारीले १ हजार ३६२ मत पाएकी थिइन्।

यसैगरी, राष्ट्रिय जनमोर्चाबाट महिला समूहमा पद्मा पण्डित पनि चुनावी मैदानमा होमिएकी थिइन्।

प्रदेशसभा तर्फ कुल ८३ मतमा ५ र स्थानीय तह तर्फ २१७ मतदातामध्ये ९ मतदाताले मतदान नगरेको थियो।