अमेरिका र भारतबीच व्यापार सम्झौतामा सहमति : अमेरिकाले कर घटाउने

काठमाडौँ । अमेरिकी राष्ट्रपति डोनाल्ड ट्रम्पले भारतसँग व्यापार सम्झौतामा सहमति भएको घोषणा गरेका छन्। ट्रम्पले भारतीय प्रधानमन्त्री नरेन्द्र मोदीसँगको फोन वार्तापछि यो जानकारी दिएका हुन्।

यस सम्झौताअनुसार अमेरिकाले भारतबाट आउने सामानमा लाग्ने भन्सार शुल्क २५ प्रतिशतबाट घटाएर १८ प्रतिशत बनाउने छ। साथै, भारतले व्यापार अवरोध शून्यमा झार्ने र रूसी तेल किन्न रोक्ने प्रतिबद्धता जनाएको छ। अमेरिकाले भारतले रूसबाट तेल किन्दा लाग्ने २५ प्रतिशत ट्यारिफ पनि खारेज गर्ने भएको छ।

ट्रम्पले पोस्टमार्फत भनेका छन् कि मोदीसँगको वार्तामा व्यापार, ऊर्जा, प्रविधि, कृषि र कोइला उत्पादनसम्बन्धी विषयहरूमा छलफल भएको थियो। सम्झौताअनुसार भारतले अमेरिकी सामान ५ सय अर्ब अमेरिकी डलरभन्दा बढी मूल्यमा खरिद गर्न प्रतिबद्ध भएको छ।

अमेरिका–भारतबीच यो ऐतिहासिक सम्झौता युरोपेली संघसँगको दुई दशकभन्दा बढी समयसम्मको वार्तापछि आएको हो। सम्झौता अघि अमेरिकाले भारतबाट आउने सामानमा ५० प्रतिशत कर लागू गरेका कारण व्यापार सम्बन्ध तनावपूर्ण बनेको थियो। कर घटाएपछि अमेरिकी बजारमा भारतीय निर्यातमा पुनः सुधार आउने अपेक्षा गरिएको छ।