-
कालोपाटी सम्बाददाता
काठमाडौँ । ज्योति विकास बैंकको प्रमुख कार्यकारी अधिकृत (सीइओ) मा कपिल ढकाल नियुक्त भएका छन् । बैंकको सञ्चालक समितिको बुधबार बसेको बैठकले ढकाललाई सीइओ पदमा नियुक्त गरेको हो ।
उक्त बैठकले ढकाललाई आगामी ४ वर्षका लागि सीइओमा नियुक्त गरेको छ । बैंकले बुधबारदेखि लागू हुने गरी उनलाई नियुक्त गरेको हो ।
यसअघि ढकाल उक्त बैंकको कायम मुकायम प्रमुख कार्यकारी अधिकृत थिए ।
