-
कालोपाटी सम्बाददाता
धनुषा । गाडीको ठक्करबाट वरिष्ठ हवल्दारको मृत्यु भएको छ । ईलाका प्रहरी कार्यालय ढल्केबरमा कार्यरत रहेका प्रहरी वरिष्ठ हवल्दार भोजराज पराजुलीको नम्बर नखुलेको गाडीको ठक्करबाट मृत्यु भएको हो । ढल्केबरका प्रहरी निरीक्षक रामसागर सिंहका अनुसार पूर्वपश्चिम लोकमार्ग अन्तर्गत ढल्केवर चोकमा हिँडेर प्रहरी कार्यालय जाँदै गरेका पराजुलीलाई गाडीले ठक्कर दिँदा उनको घटनास्थलमै मृत्यु भएको हो ।
सोमबार राति उनी ढल्केबर चोकमा चेक प्वाइन्टबाट ड्युटी गरी ईलाका प्रहरी कार्यालय जाँदै थिए । ठक्कर दिने गाडीको खोजतलास गर्ने काम भइरहेको छ । ओखलढुंगाको चिंशखुगढी गाउँपालिका वडा नम्बर ५ घर भएका ३७ वर्षीय पराजुली तीन महिना अघि ईलाका प्रहरी कार्यालय ढल्केबरमा सरुवा भएर आएका थिए ।
