-
कालोपाटी सम्बाददाता
काठमाडौं । भारतीय प्रधानमन्त्री नरेन्द्र मोदी नेपाल भ्रमणमा आउने तयारीमा छन् । भारतीय सञ्चारमाध्यमका अनुसार मोदी जेठ २ गते बौद्ध पूर्णिमाको अवसर पारेर लुम्बिनी भ्रमण गर्ने नेपाल आउन लागेका हुन् । पछिल्लोपटक प्रधानमन्त्रीमा चयन भएपछि मोदीले पहिलोपल्ट नेपालको भ्रमण गर्न लागेका हुन् ।
त्यस अवसरमा प्रधानमन्त्री शेरबहादुर देउवा पनि लुम्बिनीमा पुग्ने कार्यक्रम तय भएको छ । प्रधानमन्त्री देउवा भारत गएको एक महिनापछि नै मोदी नेपाल आउन लागेका हुन् । भारतले नेपालका लागि राजदूत पनि त्यसअघि नै पठाउने तयारी गरेको स्रोतले जनाएको छ । मोदीको नेपाल भ्रमण भने यसपल्ट निकै छोटो हुन सक्ने बताइएको छ ।
