बन्चरेडाँडामा फोहोर फाल्न स्थानीयले लागाए रोक

काठमाडौं । स्थानीयले बन्चरेडाँडामा फोहोर फाल्न रोक गरेका छन् । सरकार र फोहोर फाल्ने क्षेत्रका प्रतिनिधि बीच भएको सहमति नमान्ने भन्दै रोक लगाएका हुन् ।  शहरी विकास मन्त्रालय, काठमाडौं महानगरपालिका, नुवाकोटको ककनी गाउँपालिका र धादिङको धुनिबेसी नगरपालिकाका प्रतिनिधिहरुबीच फोहोर बिसर्जन गर्ने सहमति भएता पनि फोहोर बोकेर गएका गाडीहरुलाई स्थानीयले बाटोमै रोकेका छन् ।

उनीहरुले उक्त सहमति नमान्ने भन्दै फोहोर बिसर्जन गर्न नदिएको काठमाडौं महानगरपालिकाका एक कर्मचारीले जानकारी दिए । गत १४ जेठबाट काठमाडौं महानगरपालिका, ललितपुर महानगरपालिका र अन्य नगरपालिकाहरुको फोहोर उठ्न सकेको छैन । फोहोर सडकमै थुप्रिएकाले दुर्गन्ध बढेको छ ।