सुनचाँदी
विनिमयदर
मिति रुपान्तरण
पेट्रोलको भाउ
तरकारी / फलफूल
AQI
मौसम
रेडियो लाइभ
बैंक ब्याजदर
युनिकोड टुल्स
सेयर मार्केट्स
तपाईंको राशिफल
सिनेमा बोर्ड
निर्वाचन पोर्टल
काठमाडौँ । बिहीबार रवि लामिछाने र बालेन शाह बीच भेट भएको छ । भेटमा दुवै पक्षले खुलेर आफ्नो कुरा राखेका छन् ।
१. वार्तामा रवि र बालेन मिलेर जाने विषयमा कुरा भयो । रविले घण्टी चुनाव चिन्हमै चुनावमा जान आग्रह गरे । घण्टी स्थापित चुनाव चिन्ह भएकाले यसलाई नछोडौ भन्ने रविको प्रस्ताव थियो । यसमा बालेनले घण्टी चुनाव चिन्ह लिएर आफुलाई चुनाव लड्न कुनै पनि समस्या नभएको जवाफ दिए ।
२. रविले पार्टीको नाम पनि रास्वपा नै हुनुपर्ने माग राखे । बालेन यसमा कुलमान घिसिङ्गसँग सल्लाह गरेर जवाफ दिने जवाफ दिए ।
३. बालेनले आफु रास्वपामा प्रवेश गरेको भन्ने सन्देश जान नहुने विषय राखे । आफ्नो कुनै अर्को पार्टीमा आवद्धता देखाएर मात्र एकतामा जाँदा के होला भन्ने बालेनको जिज्ञासामा रविले त्यस्तो सन्देश नजाने दाबी गरे । पार्टी भर्सेस व्यक्तिको कुरा आउन सक्ला भन्ने कुरा रविले उठाएपछि बालेनले जेनजी विद्रोहका बेला आफुलाई केन्द्रमा राखिएकाले त्यो भीडलाई कमजोर नठान्न आग्रह गरे ।
४. भेटमा बालेन शाहले हर्क साम्पाङ्गलाई पनि पार्टीमा ल्याउने बताए । गोपी हमाल पनि पार्टीमा आउने बताए । रविले सो काम गर्न नसक्ने निष्कर्षका साथ बालेनले सबैलाई मिलाउन आफु नै लाग्ने बताए ।
५. कुलमान घिसिङ्गलाई रास्वपामा डिपी अर्यालभन्दा माथिको बरियता दिनुपर्ने माग उठेपछि रवि यस विषयमा पार्टीमा सल्लाह गर्छु भन्ने स्थितिमा पुगेका थिए ।
६. अघिल्लो भेटका विषयमा मिडियामा फरक अर्थ लाग्नेगरी बोलेको भन्दै अव मिडियामा धेरै नबोल्ने सहमति दुवै नेताबीच भयो ।
७. अन्य पार्टीका नेतासँग पनि छलफल गर्ने निर्णय गरेर रवि बाहिर निस्किए । बालेन अन्य नेता कार्यकर्तासँग छलफल गरिरहेका छन् ।
प्रतिक्रिया दिनुहोस्