बौद्धमा शान्ति र्‍यालीसहित मानाइयो २५७०औँ बुद्ध जयन्ती (सात तस्विर)

काठमाडौं । बौद्ध स्तूप क्षेत्रमा आज २५७०औँ बुद्ध जयन्ती शान्तिपूर्ण वातावरणमा विभिन्न कार्यक्रमका साथ मनाइएको छ।

बुद्ध जयन्तीको अवसरमा बिहानैदेखि भिक्षु, श्रद्धालु तथा स्थानीयवासीहरूको सहभागितामा शान्ति र्‍याली निकालिएको थियो। र्‍यालीमा सहभागीहरूले शान्ति, अहिंसा र सहिष्णुताको सन्देश फैलाउँदै बौद्ध स्तूप वरिपरि परिक्रमा गरेका थिए।

कार्यक्रममा गौतम बुद्ध का उपदेशहरूलाई स्मरण गर्दै विश्व शान्ति र मानव कल्याणको कामना गरिएको थियो। साथै, विभिन्न गुम्बाहरूमा पूजा, दीप प्रज्वलन तथा धर्मदेशना कार्यक्रमहरू पनि आयोजना गरिएका थिए।

हरेक वर्ष बुद्ध जयन्तीका अवसरमा बौद्ध क्षेत्रमा विशेष रौनक देखिने गर्दछ, जहाँ स्वदेशी तथा विदेशी पर्यटकहरूको समेत उल्लेखनीय उपस्थिति रहने गर्दछ। यस वर्ष पनि भक्तजनहरूको उत्साहजनक सहभागिताले क्षेत्र थप जीवन्त बनेको थियो।