कांग्रेस दोलखाको सभापतिमा लामा निर्वाचित

दोलखा नेपाली कांग्रेस दोलखाको सभापतिमा बर्मा लामा निर्वाचित हुनुभएको छ । चौधौँ जिल्ला अधिवेशनमा बर्माले तारा खड्कालाई ठूलो मतान्तरले पराजित गरेका हुन् ।

लामाले कूल एक हजार ३७३ मध्ये ८७७ मत प्राप्त गरेका थिए । उनका निकटतम प्रतिद्वन्दी खड्काले ४८५ मत प्राप्त गरे। यसअघि लामाले पहिलो चरणमा भएको निर्वाचनमा ५१ प्रतिशत ल्याउन नसकेपछि दोस्रो चरणमा मतदान भएको हो ।