‘सर्लाहीमा देखेका समस्याहरूको सम्बोधन गर्न निरन्तर पहल गर्छु’ : गगन थापा

काठमाडौँ । नेपाली कांग्रेसका सभापति गगन थापाले सर्लाहीमा प्रतिनिधिसभा निर्वाचनको क्रममा आफूले देखेका समस्या समाधान गर्न निरन्तर पहल गरिरहने बताएका छन् ।

सर्लाही–४ बाट प्रतिनिधिसभा निर्वाचनमा पराजित भएपछि सामाजिक सञ्जाल फेसबुकमा सभापति थापाले आफ्नो क्षमताले भ्याएसम्म समस्याको सम्बोधन गर्न पहल गरिरहने बताएका हुन् । ‘यस क्षेत्रमा मैले देखेका समस्याहरूको सम्बोधन गर्न, मेरो पहल र क्षमताभित्रबाट सम्भव हुने कामहरू निरन्तर रूपमा गरिरहनेछु,’ थापाले फेसबुकमा लेखेका छन् ।

थापाले आफूलाई पराजित गर्दै सर्लाही–४ बाट निर्वाचित भएका डा। अमरेश सिंहलाई बधाई तथा शुभकामना दिएका थिए । उनले आफूलाई मत दिने मतदाताप्रति कृतज्ञता व्यक्त गरेका छन् ।