‘जेन-जीको जनादेश अनुसार काम गर्छु, कसैले छुट पाउँदैन’:गृहमन्त्री गुरुङ

काठमाडौ । गृहमन्त्री सुधन गुरुङले अब देश जेन-जी जनादेश अनुसार अघि बढ्ने बताएका छन् । उनले गलत गर्ने कसैलाई छुट नपाउने बताए । मन्त्रालयमा पदभार ग्रहण गर्दै सो कुरा बताएका हुन । अब कुनै काम गर्दा कुनै एक ठाउँमा निवेदन दिएपछि अरु ठाउँमा धाउन नपर्ने गरी एकद्वार प्रणालीबाट सेवा प्रवाह गर्ने बताए ।

उनले केही काम गर्दा कसैले घुस वा पैसा माग्यो भने सीधै खबर गर्न पनि उनले अनुरोध गरे । उनले प्रहरीहरूलाई पनि नियम अनुसार काम गर्न निर्देशन दिए ।

गुरुङले मिडियालाई जिम्मेवार बनेर समाचार सम्प्रेषण गर्न आग्रह गरे । टीआरपीको लोभमा कसैको चरित्र हत्या नगर्न सचेत गराउँदै उनले देश बनाउने अभिभारा सबैको हातमा रहेको बताए ।

नागरिकका गुनासाहरू अब सीधै मन्त्रालयसम्म पुग्ने व्यवस्था मिलाइने प्रतिबद्धता जनाउँदै मन्त्री गुरुङले आगामी ५ वर्ष सुशासनका लागि पूर्णरूपमा समर्पित भएर काम गर्ने र छिट्टै ठोस नतिजा देखाउने उद्घोष गरे ।