ओखलढुंगाको मानेभञ्ज्याङ-७मा कर्मचारीले मात्रै खसाले ४ भोट, स्थानीयको बहिष्कार

काठमाडौं । ओखलढुंगाको मानेभञ्ज्याङ गाउँपालिका–७ टोक्सेलस्थित सातसल्ले मतदान केन्द्रमा बिहीबार स्थानीयको एक मत पनि नखसी मतदान सकिएको छ ।

प्रतिनिधिसभा निर्वाचनका लागि भएको मतदानमा सो क्षेत्रका स्थानीयले बहिष्कार गरेका हुन् ।

स्थानीयहरूले निर्वाचन बहिष्कार गरेका कारण अस्थायी मतदाता अर्थात् निर्वाचनमा खटिएका कर्मचारीहरूले मात्रै मतदान गरेर मतपेटिका सिलबन्दी गरेका हुन् । ४ जना कर्मचारीले मात्रै मतदान गरेर मटपेटिका सिल गरिएको हो ।

उनीहरूले वडा नम्बर- ७ हर्कपुरमा प्रदेशस्तरीय अस्पताल निर्माण गर्न जग्गादान गरेका थिए ।

उक्त जग्गामा अस्पताल बनेपछि या आफ्नो जग्गा फिर्ता दिन अन्यथा अस्पताल निर्माण हुनुपर्ने उनीहरूको माग छ ।