हनुमन्तेको जल सतह पार, लोकन्थलीमा १६ परिवारको उद्धार

काठमाडौं । हनुमन्ते खोलाले जन सतह पार गरेपछि लोकन्थलीस्थित सिर्जना टोलबाट १६ परिवार उद्धार गरिएको छ ।

जिल्ला प्रहरीले जनाए अनुसार मध्यपुर ठिमी नगरपालिका( १, लोकन्थलीमा रहेको होचो भागमा पानी छिर्नसक्ने सम्भावनालाई मध्यनजर गर्दै ती परिवारलाई सुरक्षित स्थानमा लगिएको हो । अहिलेसम्म पानी मानव बस्तीमा छिरेको छैन ।

तर, पानीको बढ्दो चापका कारण सम्भावित जोखिमलाई मध्यनजर गर्दै उक्त उध्दार भएको प्रहरीले जनाएको छ ।