सप्तरी २ बाट प्रतिनिधि सभा सदस्यमा चुनाव लड्ने सिके राउतको घोषणा

जनकपुरधाम । जनमत पार्टीका अध्यक्ष डा. सिके राउतले सप्तरी क्षेत्र नम्बर २ बाट प्रतिनिधि सभा सदस्यमा चुनाव लड्ने भएका छन् । अघिल्लो निर्वाचनमा जनता समाजवादी पार्टी (जसपा)का अध्यक्ष उपेन्द्र यादव निर्वाचित भएको सप्तरी क्षेत्र नम्बर २ बाट प्रतिनिधि सभा सदस्यमा लड्ने राउतले घोषणा गरेका हुन् ।

अध्यक्ष यादव यसपटक पनि यही क्षेत्रबाट चुनाव लड्ने तयारीमा छन् । डा.राउतले बिहीबार जनकपुरधाममा बसेको बैठकमा आफूलाई सप्तरी २ बाट चुनावमा उभ्याउनेबारे छलफल भएको बताएका थिए । सरकारले ४ मंसिरमा प्रतिनिधि र प्रदेश सभाको निर्वाचन घोषणा गरिसकेको छ । निर्वाचन घोषणापछि नेताहरू उम्मेदवारी घोषणा गर्न थालेका छन् ।