सर्वोच्च अदालतको मुख्य रजिस्ट्रारमा ढकाल सिफारिस

काठमाडौँ । सर्वोच्च अदालतको मुख्य रजिष्ट्रारमा देवेन्द्र ढकाललाई नियुक्तिका लागि सिफारिस गरिएको छ । सिफारिस न्याय सेवा आयोगको आज बुधबार बसेको बैठकले सर्वोच्च अदालतको मुख्य रजिष्ट्रारमा नियुक्तिका लागि सिफारिस गर्ने निर्णय गरेको हो ।

प्रधानन्यायाधीश विश्वम्भरप्रसाद श्रेष्ठले न्याय परिषद्को सचिव रहेका ढकाललाई मुख्य रजिष्ट्रारमा नियुक्तिका लागि सिफारिस गरेको हो । यसैगरी, सर्वोच्च अदालतको रजिष्ट्रारमा विमल पौडेललाई सिफारिस गरेको छ । मुख्य रजिष्ट्रार लालबहादुर कुँवर र रजिष्ट्रार निर्मला पौडेल उच्च अदालतको न्यायाधीशमा नियुक्त भएपछि दुवै पद रिक्त थिए ।