क्रिकेटर लामिछानेलाई आठ वर्ष जेल सजाय !

काठमाडौँ । जिल्ला अदालत काठमाडौँले बलात्कार मुद्दामा दोषी ठहर भएका क्रिकेटर सन्दीप लामिछानेलाई सजाय सुनाएको छ । क्रिकेटर लामिछानेलाई अदालतले आठ वर्ष जेल सजाय, जरिवाना र क्षतिपूर्ति गरी ५ लाख रुपैयाँ भराउने फैसला सुनाएको हो ।

न्यायाधीश शिशिरराज ढकालको इजलासले बुधबार उक्त सजाय सुनाएको हो । यही पुस १३ गते ‘गौशाला २६’ लाई बलात्कार गरेको अभियोगमा लामिछानेलाई अदालतले दोषी ठहर गरेको थियो ।

अदालतले लामिछानेलाई आठ वर्ष कैद ३ लाख रुपैयाँ जरिवाना र २ लाख रुपैयाँ क्षतिपूर्ति निर्धारण गरेको छ । लामिछानेविरुद्ध गत भदौ २१ गते २०७९ बालिका बलात्कारको उजुरी परेपछि गत असोज २० गते अन्तरराष्ट्रिय त्रिभुवन विमानस्थलबाट पक्राउ गरिएको थियो ।