४ रुपैयाँले बढ्यो डिजेल र पेट्रोलको मूल्य, ग्याँसमा प्रतिसिलिण्डर १५ रुपैयाँले वृद्धि

काठमाडौँ । नेपाल आयल निगमले डिजेल, पेट्रोल, मट्टितेल र खाना पकाउने ग्याँसको मूल्य बढाएको छ । बुधबार बेलुकी बसेको निगमको सञ्चालक समितिको बैठकले पेट्रोलियम पदार्थको मूल्य बढाएको हो ।

निगमले डिजेल र पेट्रोलमा प्रतिलिटर ४ रुपैयाँले र मट्टितेलमा प्रतिलिटर २ रुपैयाँले मूल्य बढाएको छ । साथै, आयल निगमले खाना पकाउने ग्याँसमा प्रतिसिलिण्डर १५ रुपैयाँले मूल्य बढाएको हो ।

डिजेल, पेट्रोल, मट्टितेल र खाना पकाउने ग्याँसको बढेको मूल्य बुधबार मध्यरातिदेखि नै लागू गरेको निगमले जनाएको छ ।