आज फेरि दुई हजारले बढ्यो सुनको मूल्य

काठमाडौँ । बिहीबार एकैदिन चार हजार रुपैयाँले घटेको सुनको मूल्य शुक्रबार भने तोलामा दुई हजार रुपैयाँले बढेको छ । आज तोलामा दुई हजार रुपैयाँले बढेर सुन एक लाख ६६ हजार पाँच सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुन एकैदिन चार हजार रुपैयाँले घटेर एक लाख ६४ हजार पाँच सय रुपैयाँमा कारोबार भएको थियो ।

यस्तै आज चाँदीको भाउ पनि २० रुपैयाँले बढेर तोलाको एक हजार नौ सय ८० रुपैयाँमा कारोबार भइरहेको महासङ्घले जनाएको छ ।