सुनको मूल्य आज ६ सयले घट्यो, चाँदीको बढ्यो

काठमाडौं । कारोबारको दोस्रो दिन नेपाली बजारमा सुनको मूल्य घटेको छ भने चाँदीको मूल्य बढेको छ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा २ लाख ७० हजार रुपैयाँ कायम भएको छ। हिजो आइतबार सुनको मूल्य तोलामा २ लाख ७० हजार ६ सय रुपैयाँ थियो। आज ६ सय रुपैयाँले घटेर २ लाख ७० हजार रुपैयाँमा कारोबार भइरहेको हो।

सुनको मूल्य घट्दा चाँदीको मूल्य भने बढेको छ। हिजो तोलामा ४ हजार ८३५ रुपैयाँमा कारोबार भएको चाँदी आज ६० रुपैयाँले बढेर ४ हजार ८९५ रुपैयाँ पुगेको छ।