५.३८ अंकले बढ्यो नेप्से, झण्डै साढे ११ अर्बको कारोबार

काठमाडौँ । साताको कारोबारको चौथो दिन बुधबार नेप्से परिसूचक ५.३८ अंकले बढेर २७३१.८९ बिन्दुमा पुगेको छ। बुधबार नेप्सेमा कुल ३३४ कम्पनीको २ करोड ३६ लाख १८ हजार १८६ कित्ता सेयर खरिदबिक्री हुँदा कारोबार रकम रू. ११ अर्ब ४९ करोडमाथि पुगेको छ।

सबैभन्दा बढी कारोबार आँखुखोला जलविद्युत् कम्पनी लिमिटेडको भएको छ। कम्पनीको सेयरमा ८३ करोड ५७ लाख रुपैयाँ बराबरको कारोबार भएको छ। त्यस्तै, कर्पोरेट डेभलपमेन्ट बैंक लिमिटेडका लगानीकर्ताले उच्च नाफा कमाएका छन्। यस कम्पनीको सेयर मूल्यमा पोजेटिभ सर्किट लागेको छ।

उता, १२% गुडविल फाइनान्स लिमिटेड डिबेन्चर २०८३ का लगानीकर्ताले सबैभन्दा बढी घाटा व्यहोरेका छन्। उक्त कम्पनीको सेयर मूल्य ८ प्रतिशतभन्दा बढी घटेको छ।

नेपाली सेयर बजारको थप विवरण र मार्केट डेप्थ हेर्न अर्थ सरोकार डटकमको सेयर बजार पोर्टलमा जानकारी उपलब्ध छ।