‘फागुनको पहिलो साता पार्टी र झापा–५ को छुट्टाछुट्टै घोषणापत्र आउँछ’ : बालेन शाह

काठमाडौँ । आगामी निर्वाचनमा रास्वपाबाट प्रधानमन्त्रीका उम्मेदवार बनेका बालेन्द्र (बालेन) शाहले झापा–५ का सुकुम्बासी बस्तीका स्थानीयहरूसँग मंगलबार छलफल गरेका छन्।

स्थानीयहरूले विभिन्न एजेन्डा र नीतिका बारेमा प्रश्न गरेपछि बालेनले सबै एजेन्डा समेटेर विस्तृत घोषणापत्र सार्वजनिक गर्ने जानकारी दिएका छन्। उनले फागुनको पहिलो साता पार्टीको, प्रधानमन्त्री उम्मेदवारको र झापा–५ को छुट्टाछुट्टै घोषणापत्र आउने बताए।

बालेनले स्वास्थ्य, शिक्षा, पूर्वाधार र व्यापारसम्बन्धी स्पष्ट तथा छुट्टाछुट्टै नीतिहरू ल्याउने योजना रहेको बताए। कार्यक्रममा सहभागी स्थानीयले युवा नेतृत्वप्रति ठूलो आशा व्यक्त गर्दै देश परिवर्तनका लागि बालेनको योजनाबारे जानकारी पाउने आतुरता व्यक्त गरेका थिए।