प्रधानामन्त्री कार्कीले गरिन् मतदान

काठमाडौं । प्रधानमन्त्री सुशीला कार्कीले मतदान गरेकी छन् । धापासी निमावि, फैमालचुली केन्द्रमा पुगेर उनले मतदान गरेकी हुन् ।

आफ्ना लागि आजको दिन एकदमै खुसीको दिन रहेको उनले बताएकी छन् । १६५ स्थानका लागि आज देशैभर चुनाव भइरहेको छ । समानुपातिक तर्फका ११० सिटका लागि पनि मतदाताहरु आफ्नो मत हालिरहेका छन् ।

यसअघि प्रकाशित समाचारको शीर्षकमा प्रधानमन्त्री कार्कीले मतदान गरेको स्थानबारे त्रुटी भएकाले सच्याइएको जानकारी गराउँदछौँ । उक्त त्रुटीप्रति क्षमाप्रार्थी छौं । – सम्पादक