शुक्रबार र शनिबार देशका धेरै स्थानमा चट्याङ, हुरी र असिनासहित वर्षा हुने सम्भावना

काठमाण्डौ  ।शुक्रबार र शनिबार धेरै ठाउँमा हुरीबतास, चट्याङ र असिनासहित पानी पर्ने सम्भावना रहेको मौसम पूर्वानुमान महाशाखाले जनाएको छ ।

हिजो बेलुकीदेखि नै धेरै ठाउँमा बदली र वर्षा शुरु भएको हो । महाशाखाका अनुसार आज सबै प्रदेशको पहाडी र हिमाली भू–भागका केही ठाउँ तथा तराई भू–भागका एक, दुई ठाउँमा मेघगर्जन, चट्याङ, हावाहुरी र असिनासहित मध्यम वर्षा र हिमपातको सम्भावना छ ।

यस्तै भोलि कोशी, मधेश, बागमती प्रदेशका केही ठाउँ तथा बाँकी हिमाली र पहाडी भू–भागका थोरै ठाउँमा मेघगर्जन, चट्याङसहित मध्यम वर्षा र हिमपातको सम्भावना रहेको महाशाखाले जनाएको छ । यो बेलामा हुरीबतास र असिनापानी तथा चट्याङबाट जोगिन महाशाखाले सबैमा अनुरोध गरेको छ ।