महिलामाथि हातपात गरेको आरोप लुम्बिनी प्रदेश स्वास्थ्य राज्यमन्त्री वली प्रहरीको नियन्त्रणमा

दाङ । लुम्बिनी प्रदेशका स्वास्थ्य, जनसङ्ख्या तथा परिवार कल्याण राज्यमन्त्री विमला वलीलाई प्रहरीले नियन्त्रणमा लिएको छ । महिलामाथि हातपात गरेको आरोपमा उनलाई प्रहरीले नियन्त्रणमा लिएको हो ।

तुलसीपुर उपमहानगर–५ स्थित सब्जिमण्डी बजार नजिकै एकजना महिलालाई घरमा गएर कुटपिट गरेको भन्दै प्रहरीले उनलाई नियन्त्रणमा लिएको इलाका प्रहरी कार्यालय तुलसीपुरका प्रहरी निरीक्षक रन्जनबहादुर स्वारले बताए । मन्त्री वलीले हातपात गरेको खबर पाएपछि स्थानीयले बस्नेतको घरमा उनलाई थुनेर राखेका थिए । घटनापछि आफूहरुले उदार गरेको जिल्ला प्रहरी कार्यालयले एसपी सुरेश काफ्लेले बताए ।