कारोबारको दोस्रो दिन ३१.४९ अंकले घट्यो नेप्से परिसूचक !

काठमाडौँ । साताको कारोबारको दोस्रो दिन (आज) सोमबार नेप्से परिसूचक घटेको छ । कारोबारको अघिल्लो दिनको तुलनामा सोमबार नेप्से परिसूचक ३१.४९ अंकले घटेर २०९८.६९ बिन्दुमा पुगेको हो ।

आज नेप्सेमा कुल ३ सय ७ कम्पनीको १ करोड ८० लाख ४३ हजार २ सय ४४ कित्ता सेयर खरिद बिक्री हुँदा ६ अर्ब ३६ करोड ६० लाखमाथिको सेयर कारोबार भएको छ ।

सोमबार सबैभन्दा बढी कारोबार हिमालयन रिइन्स्योरेन्स लिमिटेडको भएको छ । सो कम्पनीको ७८ करोड ६३ लाख ८३ हजार ४ सय ९२ रुपैयाँ ५० पैसा बराबरको सेयर कारोबार भएको छ । आज सेयर बजारमा सबैभन्दा बढी नाफा अपर स्याँगे हाइड्रोपावरका लगानीकर्ताले कमाएका छन् । यस कम्पनीको सेयर मूल्य ९.९८ प्रतिशतले बढेको छ ।

यसैगरी सेयर बजारमा दोर्दी खोला जलविद्युतका लगानीकर्ताले सबैभन्दा बढी गुमाएका छन् । सो कम्पनीको सेयर मूल्य ८.३३ प्रतिशतले घटेको छ ।